سېوگی بازاری

انچه‌ اۉرتندیم محبت اۉتیده مردانه‌من،

عشق دردیگه چیده‌ب اون چېکمه‌گن پروانه‌من.

سېوگی بارازیگه بارسم سودره‌لیب عیب اېتمنگیز،

بۉینیمه تاقدیم کجکلر تاریدن زولانه‌من.

اېرکین اۉسماق رمزین اۉرگندیم جنون صحراسیده،

توزدیم آه و کیپریگی آستیده تا  کاشانه‌من.

منعویتدن اولوش آلدیم توانیم باریچه،

معرفت کۉرکینی سېوگن عاشق فرزانه‌من.

آز بیلیم بیرله ادب یورتینی کېزدینگ دېدیلر،

شکر تنگریغه بو فنده بۉلمیشم افسانه‌ من.

کۉز یاشیم تامچیسیدن بۉلدی اېتاکیم لاله‌ رنگ،

گنجورلیکده نې تېنگسیز صاحب ویرانه‌من.

فقرگه یوزلندیم و تاپدیم قناعتدن شرَف،

بۉیله بېش کون دورلر سوردیم «متین» شاهانه‌من.