اېرکین واحدوف حقیده
سهشنبه ۲ سرطان
-
-
شاعر۔یازووچیلر
-
سهشنبه ۲ سرطان
اېرکین واحدوف حقیده
اېرکین واحدوف ۱۹۳۶ ییل ۲۸ دسامبرده فرغانه ولایتینینگ آلتیاریق تومنیده توغیلگن. اۉزبېکیستان خلق شاعری (۱۹۸۷)، اۉزبېکیستان قهرمانی (۱۹۹۹). تاشکېنت دولت بیلیم یورتینینگ فیلولوژی فاکولتهسینی تماملهگن (۱۹۶۰). ایلک شعري تۉپلمی ۔ «تانگ نفسی» (۱۹۶۱). «قۉشیقلریم سیزگه» (۱۹۶۲)، «یورهک و عقل» (۱۹۶۳)، «مېنینگ یولدوزیم» (۱۹۶۴)، «محبت» (۱۹۷۶)، «تیریک سیارهلر» (۱۹۷۸)، «روحلر عصیانی» (۱۹۷۹)، «شرقي قیرغاق» (۱۹۸۲)، «کېلهجککه مکتوب» (۱۹۸۳)، «بېدارلیک» (۱۹۸۵)، ۲ جلدلی سیلنمه («محبتنامه» و «صداقتنامه»، ۱۹۸۶)، «کوی اوجیده اوزیلمسین تار» (۱۹۹۱)، «یخشیدیر اچّیق حقیقت» (۱۹۹۲) کبی اثرلر مؤلفی. «یاشلیک دېوانی» (۱۹۶۸)ده ممتاز اۉزبېک ادبیاتینینگ اېنگ یخشی عنعنهلرینی دوام اېتتیرگن. درامهلری هم بار («آلتین دېوار»، ۱۹۶۹; «ایستانبول فاجعهسی»، ۱۹۸۵). I. Gyote نینگ «فوست» اثرینی، S. Yesenin («زمین درغهسی») و باشقه شاعرلرنینگ شعرلرینی اۉزبېک تیلیگه ترجمه قیلگن. «بویوک خدمتلری اوچون» نشانی صاحبی (۱۹۹۷). حمزه نامیدهگی اۉزبېکیستان دولت مکافاتی لاوریاتی (۱۹۸۳). ۲۰۱۶ ییل ۳۰ می کونی وفات اېتگن.
کمترلیک حقیده
گرچه شونچه مغرور تورسه هم،
پیالهگه اېگیلر چاینک.
شوندهی اېکن، منمنلیک نېچون،
کبرو هوا نیمهگه کېرهک؟
کمترین بۉل، حتا بیر قدم
اۉتمه غرور آستانهسیدن.
پیالهنی انسان شونینگ-چون
اۉپر دایم پېشانهسیدن.
۱۹۵۶
اېرکین واحدوف نینگ «اۉزبېگیم» ناملی قصیدهسی. خواننده شېرعلی جورهییف.
قرا قاشینگ
قرا قاشینگ، قلم قاشینگ،
قییق قَیریلمه قاشینگ، قیز.
قیلور قتلیمه قصد قَیرهب ۔
قیلیچ قاتل قراشینگ، قیز.
قفسده قلب قوشین قیینب،
قنات قاقماققه قۉیمهیسن.
قرهب قۉیگیل قیا،
قلبیمنی قیزدیرسین قویاشینگ، قیز.
۱۹۵۷
تانگ لوحهسی
افقلرگه قۉییب گلدسته،
تاغ آرتیدن کۉتردی-ده باش،
پستگه باقدی چۉقّیدن استه
آلتین قلم توتگن بیر نقاش.
هر نقطهگه سیقل بېریب او،
وادي اوزره چیزدی زر لوحه.
سۉنگ قویاش دېب امضا چېکدی-یو،
تانگآتر دېب قۉیدی سرلوحه.
صداقت
کېکسه قرهغهینینگ
ایلدیزین آچیب،
تارتدیلر قۉش ارقان سالیب بېلیدن.
لېکن او توپراققه پنجهسین سنچیب،
سیره قۉزغهلمسدی
اونگن یېریدن...
نهایت، گورس اېتیب یېرگه قولهدی،
بتب، سۉنگ کۉتریب کېتدیلر،
بیراق -او اۉز پنجهسیده آلیب جۉنهدی
یشهگن یېریدن بیر سیقیم توپراق.
کۉپ اۉقیلگن مقالهلر
-
محمد عالم کوهکن شعرلریدن نمونهلر
دوشنبه ۴ جوزا -
-
نوایینینگ یازیلمهی قالگن اثری
سهشنبه ۲۶ جوزا -
عبدالله قهار جسارتی
جمعه ۲۹ جوزا