«هراتگه، بابامنینگ حضوریگه!» سفرنامهسی تقدیماتی اۉتکزیلدی
سهشنبه ۶ اسد
-
-
جمعیت و مدنیت
-
سهشنبه ۶ اسد
«هراتگه، بابامنینگ حضوریگه!» سفرنامهسی تقدیماتی اۉتکزیلدی
علیشېر نوایی نامیدهگی اۉزبېکستان ملي کتبخانهسیده شاعر و پوبلیسیست شهریار شوکت قلمیگه منسوب «هراتگه، بابامنینگ حضوریگه!» ناملی کتاب تقدیماتی همده ادبي کېچه بۉلیب اۉتدی.
«جدید کتبخانهسی» رُکنی آستیده نشر اېتیلگن مذکور سفرنامه مؤلفنینگ افغانستانگه عملگه آشیرگن سفری دوامیده آرتتیرگن تأثراتلری، تاریخي واقعهلر، اجدادلریمیز قالدیرگن بېبها معنوي میراث و بوگونگی حیات منظرهلرینی بدیعي۔پوبلیسیستیک اسلوبده اۉزیده مجسم اېتگن. اثرده علیشېر نوایی، ظهیرالدین محمد بابر، مولانا لطفي، بابارحیم مشرب و ابو ریحان بېروني کبی اولوغ اجدادلریمیز بیلن باغلیق مقّدس قدمجایلر، شونینگدېک، مزار شریف، بلخ، کابل، هرات، غزني همده تخار ولایتلریگه عاید تاریخي و زمانوي کوزهتوولر کېنگ یاریتیلگن.
.jpg)
تقدیمات مراسمی ادبیات، تاریخ و ملي میراثنی اولوغلش روحیده اۉتیب، اونده کتابنینگ غایوي۔بدیعي اهمیتی، خلقیمیزنینگ تاریخي خاطرهسینی اسرهش، اجدادلر میراثینی اۉرگنیش همده یاش اولاد قلبیده وطنگه محبت و ملي غرور تویغولرینی مستحکملشدهگی اۉرنی علیحده تأکیدلندی.
تدبیرده «جدید» گزېتهسی باش محرری، لایحه رهبری اقبال میرزا، اۉزبېکستان فنلر اکادمیسیدن عبدالله اعظم، اۉزبېکستان یازووچیلر اویوشمهسی رئیسی سراجالدین سید، معنویت و معرفت مرکزی رهبری آتهبېک حسنوف، علیشېر نوایی نامیدهگی خلقارا جماعت فوندی اجراچی باشلیغی عالمجان دولتوف، فنلر اکادمیسی اۉزبېک تیلی، ادبیاتی و فولکلوری انستیتوتی باشلیغی اۉرینباسری مقصود اسدوف، «ضیا» میدیا مرکزی باشلیغی عبدالحمید مختاروف همده علیشېر نوایی نامیدهگی اۉزبېکستان ملي کتبخانهسی باشلیغی امیده تېشهبایېوه اشتراک اېتیب، کتابنینگ مضمون۔ماهیتی، اونینگ معرفي و تاریخي اهمیتی، شونینگدېک، ملي اۉزلیکنی انگلش و معنوي قدریتلرنی ترغیب اېتیشدهگی اۉرنی حقیده اۉز فکر۔ملاحظهلرینی بیلدیردیلر.
شونینگدېک، کېچهده اۉزبېکستان خلق یازووچیلری اېرکین اعظم همده خیرالدین سلطان هم قتنهشیب، سفرنامه حقیده ایلیق فکرلرینی بیلدیردیلر.
.jpg)
ادبي کېچه دوامیده مؤلف بیلن صمیمي ایجادي ملاقات تشکیل اېتیلدی. اشتراکچیلر کتابنینگ یرهتیلیش تاریخی، سفر تأثراتلری همده اثرده عکس اېتگن تاریخي واقعهلر یوزهسیدن اۉزلرینی قیزیقتیرگن سواللرگه جواب آلدیلر. تدبیر دوامیده شعري چیقیشلر و ادبي مشاهدهلر کېچهگه اۉزگهچه روح بغیشلب، کتابسېورلر اوچون اونوتیلمس تأثرات قالدیردی.
.jpg)
مذکور ادبي اوچرهشوو ملي ادبیاتیمیز، تاریخي خاطرهمیز و بای معنوي میراثیمیزنی کېنگ ترغیب اېتیش، کتابخوانلیک مدنیتینی یوکسلتیریش همده کتابسېورلر و ایجاد اهلی اۉرتهسیدهگی معنوي ملاقاتنی مستحکملش یۉلیدهگی مهم مدني۔معرفي تدبیرلردن بیری بۉلدی.
کۉپ اۉقیلگن مقالهلر
-
نوایینینگ یازیلمهی قالگن اثری
سهشنبه ۲۶ جوزا -
-
محمد عالم کوهکن شعرلریدن نمونهلر
دوشنبه ۴ جوزا -
عبدالله قهار جسارتی
جمعه ۲۹ جوزا