نوایی «کلیات»ینینگ تورکیهدهگی نادر نسخهسی اۉزبېکستانگه کېلتیریلدی
جمعه ۳ میزان
-
-
جمعیت و مدنیت
-
جمعه ۳ میزان
نوایی «کلیات»ینینگ تورکیهدهگی نادر نسخهسی اۉزبېکستانگه کېلتیریلدی
تورکیه جمهوریتی مدنیت و توریزم وزیری مېهمېت نوری اېرسوی علیشېر نوایی اثرلری جمعلنگن «کلیات» قۉلیازمهسینینگ نادر نسخهسینی اۉزبېکستانگه آلیب کېلدی.
خبرگه کۉره، مېهمېت نوری اېرسوی باشچیلیگیدهگی هیأت اۉزبېکستاندهگی اسلام تمدنی مرکزیگه تشریف بویورگن. عالي مرتبهلی مهمانگه اۉزبېکستان جمهوریتی مدنیت وزیری آزادبېک نظربېکوف همراهلیک قیلگن. مهمانلرنی اۉزبېکستاندهگی اسلام تمدنی مرکزی رئیسی فردوس عبد خالقوف کوتیب آلگن.
تشریف اوّلیده مهمانلرگه مرکزنینگ «بویوک سیمالر گالرېیهسی» نمایش اېتیلهدیگن موزائکلی رواقلر حقیده معلومات بېریلگن. شو یېرده تورکیه جمهوریتی مدنیت و توریزم وزیری علیشېر نوایینینگ «کلیات» قۉلیازمهسینینگ نادر نسخهسینی مرکزگه تقدیم اېتگن.
معلومات اوچون، مذکور قۉلیازمه استانبول شهریدهگی تۉپقاپی سرایی کتبخانهسینینگ رېوان بۉلیمیده ر. ۸۰۸ رقمی آستیده سقلنگن.
کتاب ۸۰۲ ورقدن عبارت بۉلیب، ۱۴۹۵۔ییلده علیشېر نوایی حیاتلیک دوریده درویش محمد تقي تامانیدن کۉچیریله باشلنگن و شاعر وفاتیدن کېین یکونلنگن.
کلیات ترکیبیده نوایینینگ ۲۶ ته اثری جمعلنگن بۉلیب، قۉلیازمه ۲ ته میناتور، ۲۴ ته زرحل سرلوحه و ۳۰ ته بېزهکلی زهريه بیلن بېزهتیلگن.
قۉلیازمه مرکزنینگ ایکّینچی رنسانس زلیدهگی نوایی بۉلیمیگه جایلشتیریلگن.
تشریف یکونیده تورکیه جمهوریتی مدنیت و توریزم وزیری مرکزنینگ فخري مهمانلر کتابیگه اۉز تیلکلرینی یازیب قالدیرگن.
منبع: oyina.uz
مؤلفنینگ باشقه مقالهلری
کۉپ اۉقیلگن مقالهلر
-
شهریار شوکت و اونینگ شعرلری
شنبه ۲۰ سرطان -
-
مناجات
شنبه ۱۰ اسد -
نوایینینگ یازیلمهی قالگن اثری
سهشنبه ۲۶ جوزا